18.9 C
Ohrid
сабота, септември 18, 2021
Почетна Македонија Професорот Спасов до Груевски: Треба да се вратиш, и да ги погледнеш...

Професорот Спасов до Груевски: Треба да се вратиш, и да ги погледнеш во очи луѓето кои си ги водел, и нивните семејства.

Translate (Eng):[gtranslate]

Професорот Ѓорѓи Спасов преку својот Фејсбук профил упати бесплатен ПР совет до поранешниот премиер Никола Груевски.

Тој му посочува на Груевски дека доколку неговите најблиски соработници и другари ги судат и осудуваат, или пак лежат по затвори и страдаат за нешта во кои заедно сте верувале, тогаш не е храброст да им праќаш пораки на поддршка од удобна далечина.

„Така личиш на капетан кој прв го напуштил бродот и плаче над судбината на удавените. Биди војвода и дојди овде што и да ти се случи. Ќе бидиш маченик и жртва, чин кој твоите соборци многу повеќе ќе го почитуваат од твоето кукавичко бегство. Само така би имал можност ,ако некогаш се сменат приликите, да застанеш со чист образ пред оние што си ги водел некогаш и пред нивните семејства“, пишува Спасов.

РЕКЛАМА

Тој додава дека некогаш жртвата се исплаќа повеќе од лажната слобода.

„Борбата за правда и слобода многу често се водела и од затворски ќелии. И успевала. Тие што се плашеле и бегале, оставајќи ги другарите на цедило, останувале секогаш без почитување и углед не само меѓу своите соборци и истомисленици туку и било кај да продолжат да живеат како бегалци. А тоа сигурно не е лесен живот ниту е тоа слобода за уживање“, завршува Спасов.

- Реклами -