Покрај Спартан канадер, Романија како помош за Македонија денеска ќе испрати уште еден многу поголем авион за гаснење на пожарите – Херкулес 530, информираше Центарот за управување со кризи.
– Херкулес 530 пристигнува и е многу поголем. Тоа е товарен авион прилагоден дополнително за гаснење на пожари. Се работи за специјализиран авион кој со себе носи техничка опрема, пожарникари и шест-тонски ќеси наполнети со вода и при летањето хидраулично ги исфрла во форма на падобран-бомба, информираше портпаролот на ЦУК на денешната прес-конференција.
Тој напомена дека нема да може да полни вода од Охридското Езеро бидејќи тоа е забрането од УНЕСКО, а како алтернативна можност е Преспанското Езеро или тоа да се прави од некое поголемо вештачко езеро.
Повеќе детали се очекуваат околу 17.00 часот, а според ЦУК ова се летала кои се користат за големи пожари.
