24.9 C
Ohrid
четврток, јуни 20, 2024
ПочетнаМакедонијаФранцуски експерти ќе помагаат да се локализираат пожарите

Француски експерти ќе помагаат да се локализираат пожарите

Пожарите не запираат, се уште неколку се активни на територијата на државава а се работи на нивно локализирање. Проблемот во одредени области е тоа што, и по гаснењето на огнените стихии, оганот продолжува под земја, бидејќи горат корењата на дрвјата. За локализирање на овие пожари кои се покомплицирани, ќе помагаат експерти од Франција.

Пожарот кај селото Раовиќ во општина Сарај вчера претпладне бил локализиран по интервенцијата од воздух на двата армиски хеликоптери, но од попладнето повторно е активен на три места.

Директорот на Центарот за управување со кризи Стојанче Ангелов вчера на прес-конференција рече дека пожарот е спефицичен поради тоа што, откако ќе го изгаснат, тој повторно се активира на одредени места бидејќи подземно продолжуваат да горат корења од дрвјата.

За денеска, како што најави, на терен ќе бидат испратени 30 припадници на Специјалната единица придружувани од француски експерти и четворица Французи кои работат со специјални дронови со термални камери кои можат да го откријат огнот под земја, со цел да се најдат жешките точки кои се невидливи од хеликоптер.

Освен во Скопје, нов пожар е забележан и во атарите на селата Грумази и Ивени во општина Новаци, каде што гори сува трева и нискостеблеста шума, како и над селото Црвена Вода кон планинарскиот дом Китка. Активен е и пожарот меѓу селата Барово и Вешје во општина Демир Капија.

– Пожарот на отворен простор помеѓу селата Барово и Вешје во Општина Демир Капија е се уште активен и се прошири кон висорамнината Витачево кон село Страгово во Општина Кавадарци. На рамниот дел пожарот е изгаснат на фронт околу четири километри и засега висорамнината Витачево е безбедна. Пожарот е навлезен во шума во селото Барово, во место викано Балдовец, каде што теренот е стрмен и карпест и нема пристап и начин на приближување за гаснење за што се бара и интервенција од воздух, информираше вчера попладне портпаролката на ЦУК, Надица Вчкова.

Министерството за внатрешни работи досега има приведено 17 лица кои се сомничат за подметнување пожар, а уште 16 се повикани на разговор. Како што објави ресорниот министер Оливер Спасовски во координација со јавен обвинител се работи на расчистување на сите случаи.

Во изминатиот период беа активни неколку големи пожари во чие гаснење се вклучија и пожарникари од Австрија, Словенија, Бугарија…. Помош во хеликоптери и авиони испратија и Србија и Романија.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Почина 25 годишен професионален војник синоќа во Скопје !!

Синоќа во Клиниката за анестезија, реанимација и интензивно лекување КАРИЛ почина професионалниот војник А.Ј. (25), соопшти Генералштабот на Армијата на Македонија. Војникот беше еден...

Неготинчанец ја запалил семејната куќа оти бил скаран со неговиот татко и мајка !!!

Дваесет и седумгодишен неготинчанец со иницијали М.А. доби кривична пријава од полицијата, откако предизвика пожар во домот на неговите родители, и покрај судската забрана...

Aлбански репрезентативец ги пцуеше Македонците и Србите по натпреварот против Хрватска

Албанија се спаси од пораз против Хрватска со гол во 95. минута (2-2), но натпреварот го одбележаа провокативни пораки од трибините, а уште поголем...

Луѓето над 40 години треба да работат само 3 дена во неделата

Истражување од 2016 година, објавено неодамна, открива дека од луѓето над 40 години може да се добијат најдобри резултати на работа ако тие работат...