Натпреварот на ПСЖ против Стразбург ќе се одржи бес најголемите ѕвезди. Навивачите ќе треба да почекаат и за дебито на Лионел Меси, бидејќи тој не е во составот за вечерашниот натпревар. Аргентинецот го одигра последниот натпревар пред еден месец и тоа за својата репрезентација на Копа Америка. Во средата им се приклучи на тренинзите на својот нов тим, па очигледно ќе му треба некое време за адаптација.
Денеска за ПСЖ нема да дебитираат ниту Серхио Рамос ниту пак Џанлуиџи Донарума, кои исто така се надвор од составот. Нејмар и натаму е повреден, па целиот фокус вечерва ќе биде на Килијан Мбапе.
