Движење за федерализација ИЛИРИДА – На Албанците им приврши трпението и бараат федерализација на Македонија

Потребно е да има автономно владеење на Албанците. Албанските политички партии не успеаја да ги исполнат барањата на Албанците, кои бараат трансформирање на постојното Собрание на Македонија во дводомен Парламент.“ – изјави д-р Зеќир Кадриу од раководството на Движењето „Илирида“, по одржувањето на трибината во Гостивар.

Оваа информација под наслов „Движењето ‘Илирида’ со трибина во Гостивар: ‘Федерализацијата – решение за Македонија“, ја објави информативната агенција на албански јазик ИНА.

ИНА пишува: „Со трибината во Гостивар организирана на тема ‘Унитаризмот и федерализацијата на Македонија’ движењето ‘Илирида’ ги прогласи идеите за федерализација на Македонија пред граѓаните и печалбарите од Гостивар. На трибината учествуваа професори од Македонија, Косово и Албанија.“

Агенцијата го цитира Зеќир Кадриу, кој е професор по албанологија на Факултетот за јазици, култури и комуникација на Штуловиот универзитет во Тетово: „Професорот Кадриу рече дека е крајно време е да се направат напори за промена на статусот на Албанција во с.Македонија и да постои автономно владеење на Албанците. Според Кадриу, албанските политички партии во обидите да бидат поблиски до власта не успеаја да ги исполнат барањата на Албанците, поради што на Албанците им привршило трпението и тие бараат други демократски алтернативи, други светски пракси, како што е дводомен парламент.“

„Освен во Тетово и Гостивар, раководителите на Движењето ‘Илирида’ планираат да организираат слични трибини и во други албански градови во Македонија.“ – пишува на крајот од својата информација ИНА.

Инаку, пред неколку месеци Движењето „Илирида“ најави дека ќе се преобрази во нова политичка партија под истото име, која ќе се поднесе барање да се основа втора република во федерализирана Македонија со име „Илирида“, што претставува барање на Албанците уште од 1992 година за формирање политичко – територијална автономија на овој етникум, кои и гласаа за тоа на нивен референдум таа година.

 

ОСТАВИ КОМЕНТАР

Please enter your comment!
Please enter your name here