Настава со физичко присуство и строги протоколи за заштита од вирусот – вака ќе изгледа почетокот на учебната година на први септември, а доколку се влошува епидемиолошката состојба може работите да се променат. Министерката за образование Мила Царовска најави дека и покрај наставата со физичко присуство која ќе се спроведува, можно е да влезат во игра и другите две сценарија доколку тоа го побара ситуацијата, односно понатака да се воведува комбиниран модел на настава. Сепак, да се надеваме дека состојбата со вирусот нема да се влошува дополнително.
Последната одлука треба да ја донесе Владата. Владината седница е во тек и за сега нема детали.
– Минатата година покажавме дека може да има е успешна онлајн учебна година, но нема подобро образование од она со физичко присуство. Затоа што искуствата и во светот, и кај нас, покажуваат дека менталното здравје и социјализацијата се дел од учењето. Училиштата се веќе обучени, има протоколи, лани беа отворени за помалите ученици и немавме инциденти на интерно ширење на вирусот. Затоа, за оваа година, во интерес на учениците, Кризниот штаб препорача и денеска имаме владина седница на која очекувам дека ќе биде потврдена одлуката, изјави Царовска.
