19.9 C
Ohrid
четврток, јули 18, 2024
ПочетнаМакедонијаЛекарите од Тетово и Гостивар бараат овие два градa да се стават...

Лекарите од Тетово и Гостивар бараат овие два градa да се стават во карантин !!!

Ситуацијата со бројот на нови заболени со ковид во ургентниот центар Гостивар денеска е сериозна. Нема слободни кревети во ниту едно одделение кое е претворено во ковид центар. Бројот на оние на кои им е потребен болнички третман се зголемува од минута во минута. Нема ниту доволно медицински персонал, ниту кислород. Лекарите од одделението за заразни болести бараат во градот да се воведе карантин.

„Во последниве 24 часа се случува вистински хаос. Интерното одделение и неврологија се полни, модуларната болница исто така. Имаме пациенти на кои им треба кислород, немаме кислород, немаме слободни места, така што ситуацијата е надвор од контрола. Имам барање до надлежните органи, зборувам од теренот, да се воведе карантин што е можно поскоро за да се спасат оние кои не се заразени.“

Исто е и во Тетово. Само вчера починале 9 пациенти, а бројот на хоспитализирани го достигнува врвот.

„Бројот на хоспитализирани денеска е 124 пациенти. Важно е да се знае дека од нив 13 пациенти примиле прва доза од вакцината, додека само тројца пациенти имаме со примени две дози. Над 90% од пациентите се невакцинирани. Имаме голем број смртни случаи, односно 9 пациенти со коморбидни заболувања. Во однос на приемот, имавме 18 примени синоќа, така што го достигнавме максимумот.“

Над 200 луѓе во Тетово и над 100 во Гостивар секојдневно се тестираат. Над 90% од нив излегуваат позитивни и се потенцијални идни пациенти.

„Над 90 проценти се позитивни, но овие бројки не се земаат предвид, туку виталните параметри како што се ниската сатурација и други параметри на оние кои се потешко болни.“

Од друга страна, на пунктовите за вакцинација и покрај тоа што беа отворени уште две локации во Гостивар, две во гостиварските села и исто толку во Тетово, гужвата и чекањата немаат крај. Имало и тепачки.

Чекам од седум наутро. Даваат броеви, јас сум број 176. Имаше и тепачка за бројче. Еден постар човек беше удрен од еден помлад.

Што да правиме, мора некој да го држи редот, никој не одржува ред. Полицијата е внатре.

Отворени се три нови пунктови, но интересот останува голем.

„Пунктови се отворени на многу места, има вакцини на теренот, па кој може, добро е да ги примат во нивните села во пунктовите за вакцинација што ги имаме во Чегране, Врапчиште и во други села. Порано го имавме само овој пункт, но видовме дека интересот се зголеми и отворивме втор кој е на другата страна.“

Во следните две недели, бројот на инфекции со коронавирус се очекува да се зголеми уште повеќе, велат лекарите, врз основа на бројот на амбулантски прегледи и тестови на кои стотици луѓе се позитивни.

Bashkim Sulejmani АЛСАТ

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Силно невреме го зафати Скопје: Кровна конструкција се заплетка на кабли од далновод.

Поради силното невреме кое го зафати Скопје, дел од кровна конструкција заврши на далновод. Кровната конструкција која ветрот ја оддува се заплетка во каблите од...

Украден калашников од полициската станица во Скопје

Во полициската станица во Карпош украдено е автоматско оружје „калашников“ брифираат извори на Порталикс. Информацијата ја потврди и МВР кои велат дека од 19 јуни...

При контрола на ноќен клуб во Тетово пронајдени 32 жени од Русија, Молдавија, Украина, Косово, Албанија, Србија, Словенија и Казахстан

Полициски службеници од СВР Тетово при контрола на ноќен клуб во тетовско Горно Седларце на 17/18.07 во периодот од 23:30 до 5 часот изутрината...

Бајден е позитивен на ковид-19, ќе паузира од кампањата

Американскиот претседател Џо Бајден е позитивен на ковид-19, потврди Белата куќа. Веста е објавена откако Бајден не се појавил на настан поврзан со претседателската...