Социјалните мрежи се преплавени со сведоштва за неспособноста на директорите на училиштата во Кочани соодветно да ги менаџираат истите. Жителите на Кочани деновиве посведочија дури и свадба под шатори, ни помалку, ни повеќе, туку во училишен двор!
Дали и по кој основ директорот на ООУ „Раде Кратовче“, Благој Давитков, дал согласност?
По кој протокол за справување со КОВИД 19 била организирана свеченоста?
Особено е впечатливо што скандалите се случуваат токму во училишта со кои раководат синови на претходни директори. Очигледно дека принципот за феудално наследување на директорски фотелји е лоша идеја, но востановена пракса. Цената на очајно лошото менаџирање на образованието во општина Кочани ја плаќаат тие кои се најмалку виновни. Затоа Кочани предводи во бројот на иселени млади лица, што е процес со долготрајни и поопсежни последици врз општеството.
Неопходно е што поскоро да се стави крај на натамошно уништување на образовните институциите и истите да се стават во служба на народот, а не на политичко – непотистичките врхушки!
