Постојат и лекари-антиваксери кои на социјалните мрежи изнесуваат грешни толкувања на научни истражувања и предизвикуваат одбивност кон вакцините. Министерот за здравство, Венко Филипче, го осудува ова однесување на дел од лекарите…
маркетинг
Владата започна со кампања за кревање на јавната свест за вакцинацијата, со оглед на тоа дека антиваксерските дезинформации продолжуваат да создаваат одбивност на граѓаните кон вакцините.
Постојат и лекари-антиваксери кои на социјалните мрежи изнесуваат грешни толкувања на научни истражувања и ги обесхрабруваат граѓаните да се вакцинираат. Министерот за здравство, Венко Филипче, го осудува ова однесување на дел од лекарите.
“Граѓаните што шират лажни вести мора да имаат предвид дека со тоа се загрозува јавното здравје и тоа може да значи оптоварување на болниците и преидизвикување да не се вакцинираат граѓаните. Тоа е сериозна работа.
Имаме сериозен проблем во болниците. На протестите не сме слушнале некоја издржана контрааргументација освен навреди и закани. Има и голем број граѓани кои се вакцинираат, па и тоа е сериозен глас на граѓаните. За медицинските лица кои изнесуваат вакви тврдења, Лекарската комора сериозно ги анализира овие написи и ќе излезе со свој став”, одговори Филипче на прашање од Слободен печат.
