Имаше и експлозии од боците со кислород во собите, пламените јазици беа огромни, сведочи заменик-командирот на тетовската противпожарна единица

Пламените јазици беа огромни, модуларната болница е се со пластика, се вадеа и жртви. Не може да го знаеме бројот, се уште немаме евиденција да видиме колку се, што се. Има служби што работат на тоа и треба да утврдат од што е и како. Ние не можеме за тоа да даваме информации, изјави Трајчевски.

За речиси половина час, повеќе од 30 пожарникари кои интервенирале со седум возила го изгаснале пожарот што избувна вечерва во Ковид центарот во Тетово.

– Имаше и експлозии од боците со кислород во собите, пламените јазици беа огромни. Од болницата се изнесуваа и жртви, сведочи заменик-командирот на тетовската противпожарна единица, Сашо Трајчевски.

Тој потврди дека во 21 часот и две минути е пријавено дека гори модуларната болница во Клиничката болница во Тетово, а екипите многу брзо пристигнале.

– Екипите за три-четири минути пристигнаа на лице место, со седум возила и над 30 пожарникари учествуваме од двете страни. Се беше во пламен, кога пристигнаа екипите. Тоа е внатрешно, не е надворешно. Се што е од наша страна употребено и во 21 часот и 30 минути пожарот е локализиран, а во 21 часот и 45 минути е комплетно ликвидиран. Пламените јазици беа огромни, модуларната болница е се со пластика, се вадеа и жртви. Не може да го знаеме бројот, се уште немаме евиденција да видиме колку се, што се. Има служби што работат на тоа и треба да утврдат од што е и како. Ние не можеме за тоа да даваме информации, изјави Трајчевски.

ОСТАВИ КОМЕНТАР

Please enter your comment!
Please enter your name here