Двегодишно дете почина во Клиничкиот центар, од МЗ велат дека било позитивно на ковид, но имало и други болести !!

Двегодишно дете почина во Клиничкиот центар, од МЗ велат дека имало повеќе болести и било позитивно на ковид-19
360степени | 17 септември, 2021 18:07

Пред пет дена, 15 минути пред полноќ, детето било донесено на Клиниката за детска хирургија изгладнето и дехидрирано, соопштија од Министерството за здравство
Пред пет дена, 15 минути пред полноќ, детето било донесено на Клиниката за детска хирургија изгладнето и дехидрирано.

Двегодишно дете со, како што се наведува во известување од Министерството за здравство, долга историја на болести починало на Универзитетската клиника за детска хирургија, и покрај напорите на лекарите да го спасат.

„Универзитетската клиника за детска хирургија до Центарот за социјални грижи и до СВР Скопје пријави случај на двегодишно дете со долга историја на болести, кое од ,страна на згрижувачко семејство, во тешка состојба било донесено на клиниката, каде и покрај напорите на лекарите да го спасат, починало“,

соопшти Министерството за здравство.
Детето, какошто се наведува, имало неколку тешки заболувања. Пред една година му биле направени повеќе хирушки интервенции, имало тумор на мозок, хидроцефулус и вродена непроодност на цревата. Детето имало и проблеми со срцевиот ритам, застој во растот, проблеми со дишењето.

Пред пет дена, 15 минути пред полноќ, детето било донесено на Клиниката за детска хирургија изгладнето и дехидрирано. Од згрижувачкото семејство на лекарите и медицинскиот персонал не им биле дадени никакви информации за здравствената состојба на детето. Немало температура, но било малаксано, дехидрирано и слабо реагирало на дразби. Поради критичната состојба, лекарите веднаш пристапиле кон интензивно лекување. Лабораториските анализи покажале анемија и влошени параметри како последица на болестите кои ги имало. И покрај сета дадена терапија, состојбата на детето се влошувала. Поради ковид протоколите, на малиот пациент му бил направен ковид тест и истиот бил позитивен, информираат од Министерството.

Посочуваат дека дека починатото двегодишно дете ќе биде заведено во денешната статистика на Институтот за јавно здравје.
360 степени

ОСТАВИ КОМЕНТАР

Please enter your comment!
Please enter your name here