На социјалните мрежи се појавија снимки на кои се гледа како Србите се потсмеваат со косовските специјалци.
Денеска бројот на Срби на граничниот премин Јариње се зголемил во однос на минатите денови, пишуваат медиумите.
Тензиите меѓу Србија и Косово се појавија откако Приштина одлучи да не пушта возила со српски таблички да влезат во Косово и бараат нивна замена со привремени. Во општините на северот на Косово со мнозинско српско население, досега беше можно да се вози со регистерски таблички со ознаките на косовски градови, но издадени од српското Министерство за внатрешни работи. Специјалниот претставник на Европската унија Мирослав Лајчак изрази загриженост за ситуацијата на северот на Косово. Тој потврди дека денеска за ситуацијата на северот на Косово ги известил амбасадорите на земјите членки на ЕУ.
