Македонка „рипна во тавче“ – среде пустина запросена како на филм. Нејзиното момче кој по националност е Русин а живее во Узбекистан, и приреди совршено изненадување во Дубаи на 23 годишната Мимоза Коцева.
„Кажав да на нова авантура и на ново поглавје од мојот живот. Нека нашата љубов ја има формата на мојот свршенички прстен – без почеток и крај, совршен и бескраен“, напиша Мимоза во описот на фотките кои им ги направил фотограф од Дубаи.
За Црно-бело таа открива детали за нивната љубовна врска и за запросувањето:
„Со Павел сме заедно од 2018 година. Се запознавме во Америка за време на Work and Travel програмата.
Тој по националност е Русин, но живее во Ташкент, Узбекистан. Јас живеам скоро две години во Минхен, Германија и иако ваквата врска на далечина за некого би претставувала проблем, за нас е интересна авантура.
Наоѓавме начини да се најдеме на половина пат, некаде во Турција, или пак јас во Узбекистан или тој во Германија, само да би можеле да се видиме. Но, за среќа, тој доби дозвола за престој оваа година и официјално се пресели во Германија во март за да живееме заедно. Инаку, меѓусебно комуницираме на англиски јазик.
Ја имав среќата на нашиот годишен одмор да бидам запросена и да остане значаен белег кој ќе го паметам до крајот на животот.“
