Претседателот Зоран Заев денеска беше во Општина Валандово, од каде истакна дека СДСМ ја има најдобрата понуда и дека со кандидатот Перо Костадинов ќе продолжат успешните политики кои носат развој на општината.
На настанот Заев рече дека во Валандово во овие четири години се работело вредно, посветено и одговорно, со силна поддршка од локалната власт.
Тој континуитет мора да се одржи во следните четири години. Таа силна динамика мора да продолжи. Затоа Перо Костадинов и неговите проекти во Програмата се нашата најдобра понуда. А меѓу проектите предвидени за следните четири години е и проектот Валандово – паметен град. Инсталација на клауд-системи за паметно осветлување, поставување на смарт-клупи (паметни клупи) во урбаните зони, бесплатни wi-fi зони на повеќе локации во Општината, се дел од проектот „Валандово – паметен град“, истакна Заев.
Ова е проект на иднината, проект за развој на Валандово и унапредување на квалитетот на животот на сите граѓани од овој град.
https://youtu.be/s35iNxwFxI4Видео Тука
