Пред три години мајката на Бекет објави трогателна фотографија од нејзината ќерка како го теши својот брат по хемотерапија. На четиригодишното момче во 2018 година му беше дијагностицирана акутна лимфобластна леукемија. Една година подоцна, неговата мајка, на социјалните мрежи сподели фотографија која го обиколи светот. На фотографијата тогаш 4-годишниот Бекет го теши една година постарата сестричка додека тој повраќа како последица на хемотерапијата.
„Нејзиниот темпераментен брат наеднаш стана уморен“ – сподели тогаш мајката Кејтлин.
„Некому ова ќе му биде мачно ова да го чита и гледа. Моите две деца со разлика од само 15 месеци, од заедничко играње во градинка дојдоа до заеднично седење во болничката студена соба. Мојата ќерка тогаш гледаше како братчето го селат од итна на интензивна нега. Гледаше десетици пациенти како ги бодат со игли и сонди и ги пумпаат со лекови. Не беше сигурна што се случува, само знаеше дека нешто не е во ред со нејзиниот брат, нејзиниот најдобар пријател.“ – порача мајката.
Но, долгата битка беше победоносна.
Бекет кој повеќе од половина од својот живот се бореше против ракот ја издржа последната тура од хемотерапијата, а последните испитувања покажаа дека ракот е готов.
„Мој војник мој победник. Влезе неговиот онколог и рече „Нема повеќе хемотерапии – готови сме. Се откачивме од се. Бекет беше шокиран. Лицето му блесна, колку беше тоа горчливо сладок момент“, сподели мајката.
Кејтлин сега објави дека Бекет се вратил на училиште откако минатата недела заѕвонил на ѕвончето на онкологија по последната негова хемотерапија.
