Несреќата во модуларната во Тетово е трагедија од невидени човечки размери, но разочарување е целиот правосуден систем, затоа што се уште немаме обвинение покренато за овој случај, додека за малата Тамара имаше во рекордно време обвинение против 12 лица. Сега толку време помина и нема никаков исход, вели новинарката Ивона Талевска за „Заспиј ако можеш“ на Алфа.
Талевска истакна дека Обвинителството треба овој случај што побрзо да го процесиуира, бидејќи се работи за најголема трагедија што ни се случила покрај губењето на животите на над 6.000 луѓе во корона кризата и посочи дека во Романија пожарот во ковид болницата се истражува како убиство со предумисла.
Таа сепак додава дека прашање како истото ќе го процесуираат имајќи предвид дека премиерот ја компромитира и ја политизира за што коментира и екс судијата Туфегџиќ.
Денес судијата Туфегџиќ прецизно за истрагата во тетовската болница посочува во премиерот Заев дека ја компромитира истрагата за пожарот во тетовската болница и дека истата ја политизира, да го обезвредни понатамошниот тек на истрагата, рече Талевска.
Талевска посочи дека уште едно прашање колкава е желбата на обвинителството бидејќи истото функционира како продолжена рака на власта, за пресметка со политички неистомисленици, било тоа да се членови на политичка партија или медиуми и затоа и правосудниот систем ни е таков каков што е и има лоши оценки од ЕУ.
– Правосудниот систем нема добра оценка од ЕУ, катастрофална е оценката. За тоа коментираа и обвинители, судии, и адвокатската фела. Има многу работа за обвинителството овие денови, многу криминални афери кои одат до самиот врв на власта и вертикално до сите структури, но тоа во моментов е продолжена рака на власта за справување со неистомисленциите, а не да ги гони криминалот и корупцијата во државата, нагласи Талевска.
