Гоце Цветковски, кандидат за градоначалник на Охрид од движењето „Бојкотирам“ на листите на ТМОРО, повторно во свој стил се претстави на телевизиска дебата. Тој вечерва во емисијата „Топ тема“ изјави дека го претставува народот, односно претставува табла на која народот пишува.
-Ги претставувам Албанците, Македонците, Турците… рече тој и извади три знамиња од секоја од националностите.
Тој потоа додаде дека волјата на народот не може да ја занемарат политичарите.
-Носам десет страници за проблемите на охриѓани. Нема канти за ѓубри, треба колектор во Трпејца, нема канализација, УНЕСКО е еден од проблемите. Паркингот пред гробиштата го изнајмуваат на шлепери, гробиштата се најголема инвестиција во Охрид, еден гроб чини од 1000 до 5000 евра. Центарот на Охрид да биде без сообраќај, рече меѓу другото Цветковски.
.
Локално.Мк
