19.9 C
Ohrid
петок, јуни 14, 2024
ПочетнаМакедонијаНа Груевски за 6 дена му истекува азилот во Унгарија

На Груевски за 6 дена му истекува азилот во Унгарија

На поранешниот премиер, и се уште актуелен бегалец, Никола Груевски овој месец му истекува азилот кој го доби од Унгарија, каде што живее изминатите три години.

Тој на 20 октомври 2018 година на фејсбук информираше дека добил азил, а според правилата на државата во која е засолнет, по три години се прави ревизија на одлуката. Односно, Унгарија повторно ќе мора да одлучи дали и понатаму ќе му обезбеди прибежиште на Груевски.

Денес, Република Унгарија, земја членка на ЕУ и НАТО, одговори позитивно на моето претходно поднесено барање за добивање политички азил поради политичкиот прогон во Република Македонија.
Во барањето за политички азил наведов дека го барам поради политичкиот прогон од новата Влада предводена од партијата СДСМ. Наведов дека Владата сака да ми ја одземе слободата користејќи недемократски чекори и методи и злоупотребувајќи го обвинителскиот и судскиот систем во Македонија, објави Груевски на 20 октомври 2018 година.

Сепак, се очекува Унгарија повторно да му обезбеди азил на Груевски. Тој неодамна регистрираше и фирма со широка деловна активност во малото гратче Пецел, кое се наоѓа на дваесетина километри од унгарската престолнина.

Груевски пред три години избега од Македонија за да не ја издржува двегодишната затворска казна за случајот „Тенк“. Тој преку Албанија, Црна Гора и Србија избега во Будимпешта, а Обвинителството се уште ја води истрагата за неговото бегство. Според една од последните изјави на обвинителката Вилма Русковска, имаат информации но не и докази за да покренат обвинение за случајот.

Од Министерството за правда, на прашањето од „Фокус“, кога последен пат испратиле барање за екстрадиција на бегалецот, ни одговорија дека последното дополнување на барањето за екстрадиција е испратено на 13 јуни 2019 година.

Валентина Вурмо Фокус

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Сиљановска не знае колку чинело патувањето во Берлин

Претседателката Гордана Сиљановска Давкова денеска во изјава за медиумите, а по прашање во врска со нејзиното патување во Берлин каде што учествуваше на Конференцијата...

Бајден: Нема да го помилувам мојот син ниту да му ја ублажам казната

Американскиот претседател Џо Бајден нема да го помилува својот син Хантер или да му ја ублажи казната за три кривични дела поврзани со купување...

Двојно убиство доцна вечерва ја потресе Македонија

Двојно убиство се случи вечерва во еден град од источниот дел од државата, дознава 24инфо.мк. Жена на возраст од 37 години со нож го усмртила...

Македонската јавност згрозена: Четири лица тепале мајка пред нејзините деца

На 17.05.2024 во Виница, пријавените физички ја нападнале М.Р.(31) пред нејзините малолетни деца. Надворешната канцеларија за криминалистички работи Виница поднесе кривична пријава против С.Д.(35) од...