Изгоре Инспекторатот за животна средина, пожар во Министерството за правда, пожар во модуларната болница во Тетово, пожар во бараките во Градски парк и најчестите реченици во медиумски извештаи се: „неисправни хидранти ја отежнуваа акцијата“, „причинета е материјална штета“…Да, материјална, но колкава е вредноста на тоа?
Секој нов пожар во објект не потсетува на старите проблем, кои датираат од пред неколку децении. Во секој нов пожар имаме загуба на материјални работи, архиви кои се од големо значење за една држава.
И секој нов пожар не потсетува дека имаме стари, дотраени или целосно нефункционални хидранти кои се клучни во акцијата за гаснење на пожарот.
Досега имало многу случаи каде со сигурност тие би спасиле голем дел, но никој не презема ништо, а како и за се друго во нашава држава никој и за ова досега не одговарал.
И за време на денешниот пожар, екипите од ТППЕ Скопје, не можеле да најдат функционален хидрант, па црева влечеле до новиот објект на Министерството за земјоделство.
4news
