Градоначалникот на општина Кисела Вода, Орце Ѓоргиевски, веднаш по стапувањето на фуннкција се откажа од користење на службено возило. Ѓоргиевски нагласи дека сите службени возила ќе се користат исклучиво во корист на граѓаните.
Тој исто така се откажа и д финансиските средства за репрезентација, кои, како што најави, ќе бидат пренаменети за реконструкција на градинки, училишта и детски игралишта.
„Никој повеќе нема право да ги злоупотребува службените возила во приватни цели. Од денес, клучевите на сите службени возила ќе бидат под строга контрола и ќе се користат исклучиво во корист на граѓаните, доста беше од бесцелно трошење на парите на граѓаните. Воедно, од денес, како што ветив во предизборната кампања, јас нема да користам службено возило и репрезентација, а тие пари ќе бидат пренаменети во реконструкција на градинки, училишта и детски игралишта. Затоа што, Кисела Вода мора да биде општина од 21.век. Општина за сите луѓе!“, информираше Ѓорѓиевски преку официјалната фејсбук страница.
