Досегашниот градоначалник на Охрид од редовите на СДСМ Константин Георгиески му ја честита победата на Пецаков и му посака успешна работа.
Тој се заблагодари на сите граѓани од Охрид кои му дадоа поддршка на локалните избори.
-Ми беше чест овие две и пол години да им служам на граѓаните на Охрид. Изработивме голем број проекти кои ќе останат зад нас. Оставаме и голем број проекти кои се спремни за реализација. На граѓаните на Охрид им посакувам добро здравје и успеси, рече Георгиески.
На прашањето што понатаму со политичката кариера. Георгиески одговори:
Со вчерашниот ден заврши едно поглавје од мојот живот, кој вклучуваше политички ангажман мислам дека сега ќе се посветам на професијата таму каде што дојдов и ќе продолам да работам како лекар, рече Георгиески.
Ја почитувам демократската одлука на охриѓани, се надевам дека го направија вистинскиот избор.
Им благодарам на сите соработници, сопартијци во целокупната кампања, теренската работа и борбата за подобра иднина за нашиот град. Охрид е наше најскапоцено богатство и заслужува да оди напред, охриѓани ги заслужуваат најдобри политики, најдобри проекти и многу работа!
Чест ми е што во изминатите 2,5 години му служев на Охрид и на охриѓани. Задоволен сум и горд на сите проекти кои ги реализиравме и сите успеси кои ги остваруивме во изминатиот период. Носевме храбри и важни одлуки со кои се направи историски напредок. Ја раздолживме општината, го сочувавме статусот на УНЕСКО и значително ги подобривме условите во инфраструктурата и обрзованието. Оставаме голем број готови проекти, кои се надевам дека новата локална власт успешно ќе ги реализира.
Уште еднаш им благодарам на сите граѓани за довербата и целокупната поддршка до сега! Мојот интерес и мојот избор секогаш ќе биде Охрид и чест ми е што имав можност да работам за доброто на овој прекрасен град, подвлече Георгиески.
