Како што дознава ПлусИнфо, премиерот на вчерашната средба со претставници на сите политички партии што го сочинуваат парламентарното мнозинство бил мошне категоричен во ставот дека „нема враќање назад “ и ги повикал парнтерите да се договорат за нов мандатар и најдоцна до петок да излезат со предлози.
Ниту Али Ахмети, коалицискиот партнер, ниту било кој од досегашните партнери и блиски луѓе на Заев не успеале да го предомислат премиерот во оставка да ја смени одлуката за повлекување од премиерската функција, откако тој ја загуби битката за локалната власт.
Премиерот на вчерашната средба со претставници на сите политички партии што го сочинуваат парламентарното мнозинство бил мошне категоричен во ставот дека „нема враќање назад “ и ги повикал партнерите да се договорат за нов мандатар и најдоцна до петок да излезат со предлози.
Заев оставката најверојатно нема да ја достави веднаш во парламентот, туку дека прво имал план да ја истера работата со македонските евроинтеграции по 12 позитивни препораки од Европската комисија, а дури кон крајот на декември, откако ќе се одржи Самитот на лидери на ЕУ каде се очекуваат клучни одлуки, да ја депонира својата оставка во Собранието.
Заев на средбата, како што дознаваме, наводно соопштил оптимистички вести дека Бугарија ќе го симне ветото и дека конечно ќе зарши агонијата во европската чекалница за почеток на преговорите со ЕУ.
Извор: ПлусИнфо
