Имаме ново парламентарно мнозинство, објави вечерва на Фејсбук лидерот на ВМРО-ДПМНЕ, Христијан Мицкоски, приложувајќи фотографија од која може да се заклучи дека кон досега опозицискиот блок се приклучува и Беса, со тројца пратеници.
Вечерва, според информации на „360 степени“, Мицкоски е во Собранието, на средба со Адријанит Хоџа од Беса, со Арбен Таравари од Алијансата на Албанците и со Димитар Апасиев од Левица. Четирите партии имаат 61 пратеник во овој состав на законодавниот дом.
Се огласи и Апасиев, кој пред Собранието беше крајно насмеан. Во изјава за Клан ТВ тој порача.
-Имаме ново мнозинство. Имаме обезбедено 61 пратеник. Можно е да порасне бројката и на 64, кратко изјави Апасиев.
