12.1 C
Ohrid
четврток, април 24, 2025
ПочетнаМакедонијаОЈО: Постои реална опасност двајцата осомничени да избегаат

ОЈО: Постои реална опасност двајцата осомничени да избегаат

spot_imgspot_imgspot_imgspot_img
spot_img

Две лица се осомничени во акцијата на Основното јавно обвинителство (ОЈО) Скопје бидејќи барале пари од бизнисмен за да се запре непостоечка постапка против него, за која тие го увериле покажувајќи му лажна обвинителска наредба за спроведување постапка.

<

За акцијата преку соопштение официјално се огласи скопското обвинителство наведувајќи дека првото лице е осомничено за измама, додека второто за лажно претставување.

Во соопштението ОЈО Скопје не наведуваат дека еден од осомничените е вработен во Агенцијата за национална безбедност (АНБ). Иако според неофицијални информации во случајот тој е лицето што се гони за лажно претставување, од АНБ во изјава за државната агенција МИА демантираа дека вработени во Агенцијата се уапсени или инволвирани во случајот.

За осомничениот за измама, пак, извори во истрагата упатуваат на тоа дека станува збор за лице кое беше обвинето, а потоа амнестирано во предметот за настанатите од 27 април 2017 година во Собранието.

Според информациите од обвинителството, првоосомничениот за измама излажал дека има информации за наводна постапка од Обвинителството за гонење организиран криминал и корупција против физички лица и фирми. Тој на својот компјутер изготвил лажна наредба за отворање на наводната постапка со која уверувал бизнисмен за веродостојноста на неговите информации.

„Од еден од наводно осомничените во таа постапка и негов пријател побарал парична награда од 75 000 евра кои ќе му бидат исплатени во неколку наврати за да ги искористи своите конекции и врски што наводно ги имал со службени лица – истражители во обвинителството за да се запре постапката. Наредбата со невистинита содржина која му ја прикажал на оштетениот за да го увери во вистинитоста на своите тврдења осомничениот ја креирал на неговиот компјутер, со што го довел во заблуда оштетеното лице“, велат од ОЈО Скопје.

Во тоа му помогнал второосомничениот. Тој, како што соопштија од ОЈО Скопје, бил на средба со бизнисменот против кого наводно се водела постапка и лажно му се претставил дека е вработен во Управата за финансиско разузнавање и воедно дека е истражител во Основното јавно обвинителство за гонење организиран криминал и корупција.

Средба за земање дел од парите кои ги барале се одржала во средата (3 ноември). Првоосомничениот се сретнал со бизнисменот во ресторан во Скопје и зел од него 5 000 евра, по што следуваше и акцијата за приведување.

Од ОЈО Скопје велат дека постои реална опасност двајцата осомничени да избегаат па затоа од Основниот кривичен суд бараат да им се одреди мерка притвор.

Извор: 360

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Исчезнувањето на Симона не е пријавено во МВР!

Дали Симона, поради чие наводно исчезнување се крена земјата на нозе, навистина е исчезната? Официјално, барем до сега, никој не пријавил исчезнување на лице...

Христово Воскресение 2 ден во Дортмунд- Германија

Христово Воскресение 2 ден Дортмунд ____ На вториот ден Велигден,Македонската Црковна општина св.Кирил и Методиј од Дортмунд имаше чест да биде посетена од Неговото Високо преосвештенство...

Исчезната е Симона Стојкова- Доколку некој има информации веднаш да пријави во МВР !!!

Краток опис Симона Стојкова има кафена коса и кафени очи со висина од 175 см и е на возраст од 35 години. Носи наочари и...

Викторија Трајков: Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид...

Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид и околината,...