Oд една страна сурова болка, тешка горчина, врели солзи, од другата единствена надеж, разгорена желба за живот, голема одговорност како мајка, сето ова но и многу повеќе ја дефинира тешката судбина на 35 годишната Даниела Спасовска од скопско Марино, објави ТВ Сител.
Низ солзи ни раскажа за голготата низ која поминува од 2019 година, откако и е дијагностициран рак на дојка. Потребни се уште снимања, а јас не можам да си дозволам.
А те фрлаат од врата на врата само, никој не те гледа. Пред време се откажуваат од мене, вели Даниела. Како последица од зрачењата на кичмата почнал да и откажува едниот бубрег.
Матастазите се прошириле и на малата карлица, но гинекологот не смее да ја оперира, тоа може да го направи само онколот.
Зад себе има три операции и бројни метастази, три месеци е врзана за кревет, но и тоа не ја обесхрабрува да го чекори овој трнлив пат полн со надеж за оздравување.
Даниела има три дечиња, од кои едното е 14 години, другото 12 и третото осум, едно синче и две ќеркички. Со сопругот Игор е веќе 15 години во брак. Од среќно семејство болеста на Даниела дома сите ги покосила и им го направила животот пекол.
Вели ме отпишаа но таа со сите сили се труди да ја победи болеcта и да застане на нозе. Не само заради себе, туку и заради нејзините три дечиња, на кои им е потребна мајка.
320500026947066 Централна кооперативна банка на име на Снежа Стојчевска или можете да ја контактирате директно на телефонскиот број 078466478.
