Додека јавноста беше загрижена каде е премиерот Заев и што прави, тој денес го искористил прекрасниот ден за возење мотор.

Во изминатите неколку денови главна тема на политичката сцена во државата е владиното мнозинство како и гласањето на недоверба на Владата.

Јавноста гледаше различни сценарија. Мицкоски најави дека има мнозинство кое би можело да состави и нова Влада. Подоцна следуваше демант од Гаши кој рече дека со сигурност има мнозинство за недоверба на Владата, но не и за составување на нова.

Се појавија шпекулации и дека еден од пратениците бил изманипулиран, односно не знаел дека и Левица ќе биде дел од коалицијата, поради што ќе се повлече. Подоцна и тој информираше дека е за растурање на владиното мнозинство, но не е за составување на Влада со Левица, која е анти-НАТО и анти-ЕУ насочена.

Имаше информација и дека три пратеници од ДУИ ќе заминат и ќе дадат зелено светло за недоверба на Владата. Подоцна и тоа беше демантирано од високите членови на партијата.

Се прават многу математики, шеми, кој со кого ќе направи коалиција, кој кого ќе “предаде“. Но, тивко сите размислуваат за едно прашање, иако никој истото не го постави: КАДЕ Е ЗОРАН ЗАЕВ?

Ексклузивно news51 дознава дека Зоран Заев викендот бил во фамилијарна и пријателска атмосфера. Ги полнел батериите. Воопшто, барем пред луѓето со кои се дружи не покажал нервоза, ниту пак загриженост. Бил целосно смирен, насмеан и со ведар лик. Недела, денес, го искористил денот за возење со мотор, во друштво на своите пријатели…

Дали тоа значи потврда на неговата оставка во понеделник или враќање на голема сцена во политиката – ќе дознаеме наскоро!

ОСТАВИ КОМЕНТАР

Please enter your comment!
Please enter your name here