9.6 C
Ohrid
петок, март 29, 2024
ПочетнаМакедонијаМицкоски: Ќе чекаме до 12 да се појави Реџепи

Мицкоски: Ќе чекаме до 12 да се појави Реџепи

Се отвораат многу шпекулации за не појавувањето на пратеникот на Беса Кастриот Реџепи во Парламентот и ниту претседателот, ниту премиерот немаат став околу тоа каде се наоѓа, изјави попладнево претседателот на ВМРО-ДПМНЕ, Христјан Мицкоски пред Собранието по прекинувањето на собраниската седница за гласање доверба на Владата.

– Ќе чекаме до 12 да се појави пратеникот. Треба најпрво да видиме дали е жив, здрав, прав, да видиме каде се наоѓа човекот. Освен на јазик различен од македонскиот и албанскиот, порака на социјалните медиуми, друго не знаеме, физички што се случува со човекот, дали е некаде мимо своја волја или е доброволно таму. Да ги видиме тие вредности што ги споделува, затоа што пратеници тукутака не исчезнуваат во тие заедници коишто тој ги наведе на својот Фесјбук статус, како што се САД и ЕУ. Претседателот на државата којшто е најодговорен во вакви ситуации заедно со претседателот на Владата немаат досега јасен став околу тоа каде се наоѓа пратеникот, бидејќи пратеник во македонското Собрание нема, истакна Мицкоски.

Лидерот на опозицијата рече дека тие „не знаат дали Реџепи е киднапиоран или доброволно се движи и избегал“.

– Не разбирам ако е доброволно, не беше денеска тука појавен. Ќе си гласаше. Ако беше против да падне оваа влада ќе си гласаше против, иницијативата ќе завршеше 60:60 и ќе го спасевме народот и јавноста од ваков срам. Вака се отвора простор за многу шпекулации, многу изјави од различни извори – дали се потврдени или непотврдени, дали се точни или неточни. Но, она што е јасно е дека власта се препелка во живата кал. Ако мисли дека ова е некаков политички триумф, не напротив. Мислам дека ова е голем срам за демократијата, голем срам за вредностите коишто се наведени во тој статус, нагласи Мицкоски.

Тој рече дека уште вчера се шпекулирало дека ова ќе се случи и дека ако се потврди дека се тргувало со пратеници „во државава веќе не вреди да се занимава човек со политика“.

– Да видиме што се случува со човекот. Ако не се појави, треба да даде одговор МВР. Јас како што знам, Билал Касами даде една изјава, рече дека пријавил, така што да видиме што ќе се случи, додаде лидерот на ВМРО-ДПМНЕ.

Мицкоски упати извинување до граѓаните во негово име и во име на ВМРО-ДПМНЕ за, како што рече што мора да бидат сведоци на една ваква би рекол циркуска претстава која што денеска се одвива тука во Собранието.

МИА

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...