Во поглед на вчерашниот ден, опозицијата згреши поради тоа што по седми пат му веруваше на Мицкоски на набилданите изјави дека само што го нема 62-от пратеник, вели пратеничката на СДСМ, Славјанка Петровска во емисијата „Само вистина“.
Според неа, се чувствува разочараност кај најголемата опозициска партија од сопствениот лидер затоа што не знаел и не се држел до зборот.
-Не можете да обвинувате за киднапирање и да се протолкуваат секакви зборови. Сакам да прашам дали после ова Мицкоски ќе понесе морална одговорност и срам и ќе му се извини на пратеникот Реџепи за изјавата дека е „современиот Амди Бајрам, лесна му земја“. Таква морбидна изјава од лидер на политичка партија не е дозволена. Пратеникот си најави дека ќе каже се во понеделник, потенцира Петровска.
