Минатата недела пак, граѓани заедно со независниот полициски синдикат со протестен парш во Битола побараа ослободителна пресуда за полицаецот Гоце Петковски кој е осуден на една година затвор за прекумерна употреба на сила врз припадник на ромската заедница
Ромското здружение „Аваја“ за денеска најавува протестен марш во Скопје против полициската бруталност.
Протестот е поврзан со случајот во Битола од минатиот септември, кој беше снимен и објавен на социјалните мрежи, а каде се гледа како полицаец физички напаѓа Ром пред Поштата во градот, откако возачот под дејство на алкохол предизвикал сообраќајна несреќа и агресивно се однесувал кон полицијата.
За случајот полицаец е неправосилно осуден на една година казна затвор за сторено кривично дело малтретирање при вршење служба.
Ќе ја поздравиме одлуката на Основниот Кривичен суд за случајот полициска бруталност-Битола и ќе се упатиме кон Јавното Обвинителство за да побараме да се процесира кривичната пријава во која сите 5 лица се јавуваат како жртви. Пресудата за прв пат одредува затворска казна од една година за полициска бруталност. Очекуваме Апелациониот суд да ја потврди пресудата и таа да стане правосилна!“,
се вели во најавата за протестот.
„Маршот за правда“ ќе почне во 13 часот од Кривичниот суд во Скопје, а ќе заврши пред Обвинителството.
„Маршот за правда треба да не обедини сите! Време е Ромите да ја почувствуваат правдата!“,
порачаа од „Аваја“.
Минатата недела пак, независниот полициски синдикат и Независниот синдикат на затворската полиција и администрација одржаа мирен протест на Широк Сокак и битолските улици и побараа ослободителна пресуда за полицаецот Гоце Петковски, укажувајќи на низа пропусти во постапката.
Според синдикатите, на Петковски му е изречена казна која го доведува во опасност моментот на идни интервенции на полицијата и најавија иницијатива за измени на Законот за кривична постапка за полициските лица вработени во Министерството за внатрешни работи.
