Mногу го сакам Господ, му верувам, ама зошто прерано ги зема добрите луѓе?“ Кога Тоше во 2004 година ја изговарал оваа реченица, која се однесувала на тогаш штотуку загинатиот македонски претседател Борис Трајковски, веројатно и не помислувал дека истото прашање ќе си го поставуваат милиони луѓе и по трагичното утро на 16 октомври 2007 година кога и самиот прерано замина во легендите…
Експретседателот Трајковски и Тоше биле добри пријатели. Тоа и ден денес го потврдуваат сопругата Вилма и ќерката Сара Трајковска, ама и сите што ги знаеле. Велат дека, меѓу другото, ги поврзувала и огромната вера во Бога, хуманоста, едноставноста, радувањето на малите нешта…
Веста за уривањето на авионот кај Ротимле, во близината на Мостар, во која животот го загуби Борис Трајковски и уште осуммина лица, многу го погоди Тоше. Бил на некое од бројните патувања во Италија и за трагедијата слушнал на аеродром, враќајќи се во Скопје. Потресен од лошата вест, знаел дека веднаш по пристигнувањето, прва работа ќе му биде да го посети семејството на настраданиот претседател. И тоа и го сторил.
Сепак, таа ноќ на Сара особено и’ се врежала една реченица која и’ ја кажал Тоше. „Седна крај мене, ме фати за рака и нонстоп повторуваше – зошто Борис го зеде Господ, зошто…? Но, она што го изговори, навистина ме пресече. Онака потресен, Тоше ми рече: ’Знам дека Господ ги зема луѓето што ги сака и оние што имаат направено мисија на земјата. Јас сум млад и мислам дека веќе имам премногу сторено за моите години‘. Иако Саеа била многу потресена од загинувањето на татко и, ваквото кажување на Тоше навистина ја фрапирало.
Како што седел до нејзе, Сара го потчукнува и му вели да не зборува такви работи. Го прашува како воопшто помислува дека такво нешто може да му се случи нему, кога има само 22 години… Но, наместо одговор, само ја погледнал и замолчел“.
Со оглед на тоа што Трајковски се исклучителни верници, при средбите со нив Тоше често говорел за Бога, за духовните вредности, за смирението што им го овозможува молитвата и верата. „И татко ми и Тоше“, вели Сара, „веруваа дека Господ е тој што одлучува кога некому ќе му го земе животот“.
Тогаш 22-годишното момче, како свое лично убедување, но и со желба да ја потсмири ќерката на загинатиот претседател, знаело и да ја повторува реченицата: „Господ сака добар човек да стои крај него!“ 🙁 <3
