1.8 C
Ohrid
четврток, декември 2, 2021
Почетна Македонија Се појави и мистириозниот осми патник Шади Науф ал Садех, вели дека...

Се појави и мистириозниот осми патник Шади Науф ал Садех, вели дека нема ништо со трагичната несреќа !!!

Translate (Eng):[gtranslate]

Шади Науф ал Садех, мистериозниот патник со арапско потекло кој се најде на списокот со преживеани во болницата во Софија, вечерва се јави во бугарските медиуми, велејќи дека тој нема ништо со трагичната несреќа и дека по грешка е ставен на списокот.

Ал-Садех, кој е бугарски државјанин, вели дека тој бил во болницата „Пирогов“ затоа што му била скршена раката и не знае зошто го напишале неговото име, објави БНТ.

Во саботата, тој бил примен на одделот за трауматологија во болницата со фрактура на раката.

РЕКЛАМА

Забуната со името на Шади ал-Салех на списокот предизвика многу шпекулации за тоа кој е мистериозниот „осми патник“ кој ја преживеал несреќата. Синот на еден од возачите на автобусот, за „Слободен печат“ денеска изјави дека го видел името на ал-Салех напишано покрај имињата на другите преживеани.

Во меѓувреме, со сведоштво се јави уште еден патник кој требало да биде во автобусот кој изгоре на автопатот „Струма“, но по грешка ги ставил куферите во друг автобус на „Беса транс“ и патувал во него.
Пишува: Слободен Печат