Лидерот на Народната партија на Австрија (ОВП) Себастијан Курц денес објави дека на синот, кој се роди вчера, му го дале името Константин.
<
Девојката на поранешниот австриски канцелар се породи вчера, а веста на социјалните мрежи ја објави самиот Курц.
Денес тој ја објави и првата фотографија на која се гледаат рацете на родителите и малото раче на нивното бебенце. Инаку, Курц е познат како личност која не сака да изнесува детали од приватниот живот во јавноста. Сепак, решил да ја сподели информацијата за името на синот.
– Многу благодарам за убавите желби по повод раѓањето на нашиот син. Многу се радуваме и уживаме во заедничкото време во тројка, напишал на Инстаграм.
