Кандидатот за претседател на СДСМ Фросина Ременски има 44 години, Родена е во 1977 година во Крива Паланка. Нејзината биографија говори дека дипломирала на институтот за социологија при Филозофскиот факултет во Скопје, каде магистрирала и докторирала, а од 2012 година работела на втора докторска дисертација од областа на безбедноста. Работела како професор во средно училиште и асистент на институтот за социологија, од октомври 2004 година до јуни 2007 година и како асистент на полициската академија во Скопје, а од ноември 2012 година била избрана за вонреден професор на Факултетот за безбедност.
Добитник е и на државната награда „Гоце Делчев“ во 2008 година за посебен придонес во науката од интерес за Македонија, а автор е и на повеќе од 70 научни и стручни трудови од областа на истражувачкиот интерес објавени во домашни и странски научни списанија.
Во 2009 година е избрана за член на советот за безбедност и НАТО интеграции на СДСМ, а во 2013 година е избрана за потпретседател на централниот одбор на СДСм.
Во ноември 2015 година, пак, ја презеде должноста министер за труд и социјална политика, согласно Договорот од Пржино, заменувајќи го дотогашниот министер од редовите на ВМРО-ДПМНЕ, Диме Спасов.
Фросина Ременски е сопруга и мајка на две малолетни деца, а важи и за голема домаќинка која чува кокошки, и одгледува исто така и зеленчук. Фросе накратко одговори кој е Боки и каков е како другар.
„Јас го запознавам Боки 13 додека бев Министер за труд и социјала во техничакта влада. Тој доаѓа во министерството да се заблагодари што не сум дозволила неговата мајка да остане на улица и без работа, тоа се случи во 2016 година“, изјави Фросина Ременски во емисијата во Центар и додаде:
„Јас му носев чварки на Бојан Јовановски бидејќи сакаше да јаде чварки и тоа е нормално бидејќи јас сум домаќинка“.
