12 C
Ohrid
четврток, мај 23, 2024
ПочетнаМакедонијаСо караница помеѓу обвинетиот Боки 13 и судијката Софче Гаврилова-Ефремова, заврши рочиштето...

Со караница помеѓу обвинетиот Боки 13 и судијката Софче Гаврилова-Ефремова, заврши рочиштето за „Меѓународен сојуз“.

Со караница помеѓу обвинетиот Бојан Јовановски и судијката Софче Гаврилова-Ефремова, заврши рочиштето за „Меѓународен сојуз“.

Јовановски побара нејзино изземање од процесот во кој му се суди, а в.д. претседателот на судот, Иван Џолев го нарече корумпиран. Откако неколку пати го прекина во неговото излагање, судијката Гаврилова-Ефремова и нареди на затворската полиција да го изнесе Јовановски од судницата.

Караницата започна откако обвинетиот се објаснуваше дека недостасуваат материјали од неговиот телефон кој го вештачеше МВР и дека не е виновен што тие не се презентирани, бидејќи форензичкото вештачење го добил летото.

“Ќе ви дадам еден податок кој судот го знае колку и јас. Копијата на судот му е дадена во јуни 2021 година. Тоа се месеци на годишни одмори….“, рече Јовановски, по што судијката го прекина со образложение дека тоа веќе го кажал неговиот адвокат Сашко Дуковски, а Јовановски продолжи: “Вие имате константна потреба да ме цензурирате. Вие постојано ме цензурирате. Само тоа што ви одговара го кажувате“.

На ова, возврати судијката Гаврилова-Ефремова: “Судот дава и одзема збор. Овде се зборува конструктивно. Обврзна сум да нема дефокусирање на главната расправа“, на што Јовановски возврати: “Мене две години што ме тероризира јавноста, тоа нема врска. Само вас кога ви одговара тогаш се споменува јавноста”.

По ова, следуваше ново барање за изземање на судијката од страна на Бојан Јовановски.

“Судијата Софче Гаврилова-Ефремова апелирам до в.д. претседателот на овој суд, иако имам недоверба и кон него, апелирам најсериозно да ги земат во предвид сите овие наводи за крајно тенденциозно однесување од страна на судијата и тоа: на секое рочиште за главна расправа, судијата ми предизвикува психички стрес поради тенденциозното, малициозно, анимозитетно однесувсње единствено кон мене како обвинет и странка во постапка. На минатото рочиште ми беше одземено правото да побарам одземање со образложение тоа да го направам писмено, а требало под нови околности. Но тоа треба да го цени друг, а не судијата за кој барам изземање. Со оглед дека се наоѓам во пенални услови да не можам писмено да побарам и да ги остварам правата…”, рече Јовановски.

Судијката Гаврилова-Ефремова го прекина во неговото излагање и посочи: “Сите кои издржуваат затвор имаат право и во судот пристигнуваат писмени поднесоци”, по што Јовановски додаде: “Со блиска роднина, сестра на судечкиот судија сум бил во пријателски односи, нека го провери тоа”.

“Јас немам сестра. Или не знам до сега дека имам сестра. На обвинетиот укажувам дека сите други причини во однос на барањето за изземање да бидат писмено доставени”, рече Софче Гаврилова-Ефремова.

Јовановски возврати: “Јас реков близок роднина, женска особа. Можам да ви ја донесам на следното рочиште”.

Судијката го прекина обвинетиот Бојан Јовановски со барање од затворската полиција да го изнесат од судот.

“Изнесете го обвинетиот од судот“, кажа судијката со барање писмено да се произнесе за неговото барање за изземање.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Околу 400 матуранти од средните училишта во Охрид беа дел од манифестацијата „Матурска парада“ што денес точно напладне се одржа на плоштадот „Св. Климент...

Околу 400 матуранти од средните училишта во градов беа дел од манифестацијата „Матурска парада“ што денес точно напладне се одржа на плоштадот „Св. Климент...

Вечерва успешно заврши турнирот во мал фудбал ,,Св. Никола Требеништа

Вечерва успешно заврши турнирот во мал фудбал ,,Св. Никола 2024-Тррбеништа”! Победник на овој турнир е екипата на Мирани Аг која што во финалето беше...

Жена си е жена: Давкова ги отворила сите прозорци во Вила Водно за да луфтира, истите претходно биле затворени ради безбедносни причини !!!

Новата претседателка веднаш направила „генералка“ на Вила Водно. Меѓу првите работи кои ги направила, ги отворила сите прозорци на Вилата за да влезе чист...

Ковачевски се повлече од претседателската функција на СДСМ

Димитар Ковачевски на денешната седница на партискиот Извршен одбор официјално го потврдил повлекувањето од функцијата претседател на СДСМ и побарал свикување конгрес и организирање...