20.2 C
Ohrid
петок, август 15, 2025
ПочетнаМакедонијаПецаков за ДВ: Охрид ќе добие уредени плажи, но не и платформи...

Пецаков за ДВ: Охрид ќе добие уредени плажи, но не и платформи во езерото

spot_imgspot_imgspot_imgspot_img
spot_img

Охрид ќе добие уредени плажи, но со строго почитување на препораките на УНЕСКО. Платформите во вода повеќе нема да се вратат, но дел од крајбрежјето ќе се уреди за потребите на туристите, согласно плановите и препораките на Владата и надлежните министерства, кои во моментов изработуваат Урбанистички план за крајбрежниот појас на Охридското Езеро. Ова се најавите на новиот охридски градоначалник, Кирил Пецаков од ВМРО-ДПМНЕ, кој вели дека се што ќе се презема во иднина ќе биде со цел да се заштити езерото, како едно од највредните културни наследства.

<

Пецаков за Дојче веле ги открива неговите замисли како треба да се развива градот во однос на туристичката понуда, како да се заштити езерото од енормното загадување, но најавува и решавање на долгогодишниот проблем со депонијата во Охрид, која што секојдневно го труе градот.

Ќе се уредуваат само дел од плажите
По овогодишната акција за расчитување на крајбрежјето, која што ја координираше поранешниот градоначалник на Охрид, Костантин Георгиевски, во која беа урнати платформите во езерото и плажите за коишто не била плаќана концесија, градот ја дочека туристичката сезона со скромна понуда. Некои беа задоволни што плажите беа ослободени од „окупацијата“ на лежалките, чија цена вртоглаво растеше секоја година, други, пак, критикуваат дека со уривање на атрактивните платформи туристичкиот центар стана непримамлив за многумина.
Пецаков за ДВ најавува уредување на дел од крајбрежјето во пресрет на идната туристичка сезона. Станува збор само за дел од плажите коишто ќе добијат нов лик, откако ќе бидат одобрени со Планот на Владата и надлежните министерства за уредување на крајбрежјето.
„Оние плажи за кои што ќе биде издадено одобрение, ќе бидат уредени со природни материјали. На половина од просторот ќе бидат дозволени лежалки, додека на останатиот дел тие ќе мора да бидат слободни“, вели градоначалникот на Охрид.
Место концесии – краткорочни договори
Плажите нема да се даваат под концесии како досега. Се размислува за нив да се склучуваат краткорочни договори, најверојатно од една година за закуп. Но, повторно градење на платформи кои што длабоко задираа во езерото и беа трн во око во сите извештаи на невладините организации и на УНЕСКО, нема да се дозволи.
Министерството за транспорт и врски и Владата преку Агенцијата за планирање на просторот го изработуваат Урбанистичкиот план за крајбрежниот појас на Охридското Езеро во кој целосно ќе бидат вклопени препораките на УНЕСКО, со што ќе се заштити крајбрежјето на езерото.
„Се работи на Урбанистички план од државно значење кој се изработува со цел ставање на ред, запирање на узурпирањето на Охридското крајбрежје и негова целосна заштита согласно препораките од УНЕСКО, а во овој момент се собираат податоци од Агенцијата за катастар на недвижности“, информираа неодамна од Министерството за транспорт. Тие апелираа до новата локална самоуправа во општина Охрид да ги почитува започнатите постапки и планот за управување кој веќе е на сила и заеднички да работиме на стратешкиот план за рехабилитација на регионот, се со цел да се заштити и природното и културно наследство.
Целосното интервју  ТУКА

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Полицијата поднесе пријава за лицето кое влечеше куче со возило

Поднесена пријава за лицето кое влечеше куче со возило На 13.08.2025 во 14:45 часот во ОВР Крива Паланка бил извршен службен разговор со З.М. (59)...

Од денес е во функција новата клучка што ги поврзува Охрид и Струга, како и Македонија и Албанија.

Се пушта во употреба клучката Подмоље, клучка која ги спојувува Охрид и Струга, но и Албанија и Македонија, а интензивно се работи и на...

Пожарникари од Крива Паланка спасиле куче влечено од автомобил, па фрлено во речно корито.

По добиена дојава за фрлено куче во бездна со тим од двајца пожарникари излеговме на лице место и пристапивме со негово извлекување и предавање...

Четиригодишно дете од Куманово се затруло со детергент.

Уште еден случај на затруено дете во Куманово, евидентира кумановската полиција. Станува збор за четиригодишно дете, случајот во полицијата го пријавиле од кумановската болница. –...