119 години од смртта на Миле Поп Јорданов, македонски револуционер и просветен деец, учесник во македонското револуционерно движење, член, секретар и војвода на ТМОРО.
На 22 Декември 1902 година, на само 23 години, Поп Јорданов со последниот куршум си го одзема животот во велешкото маало Јурија, помагајќи им на своите другари од четата да избегаат, откако биле наклеветени дека се наоѓаат во градот. Храбро се борел против турскиот аскер до последниот куршум низ велешките сокаци, и не му се предал жив.
Турскиот командант наредил телото на мртвиот војвода да се истакне на улиците на Велес и тие што ќе го препознаат мртвиот да се заробат, сите кој минеле биле со наведнати глави и молчеле иако знаеле кој е убиениот. Единствено сестрата на Миле не успеала да дотррае и вриснала на целиот глас кога го видела телото на својот брат.
Погребан е во црквата Пантелејмон, Велес.
Неговото херојство е опеано во песната: “Болен ми лежи Миле Поп Јорданов”
