4 C
Ohrid
понеделник, февруари 24, 2025
ПочетнаМакедонијаАнче Стојова – Не ја обвинувам мајка ми што ме оставила во...

Анче Стојова – Не ја обвинувам мајка ми што ме оставила во дом, но нема сила што може да ме сопре да успеам во животот!

spot_img

Анче Стојова била оставена во домот за деца без родители, кога наполнила две години. Тогаш започнала нејзината животната голгота и развојот на несреќната судбина.

<

„Не ја обвинувам мајка ми зошто го направила тоа. Морала! Немала друг избор! Најтешко ми беше кога доаѓаше да не посети. Многу плачев. Брат ми ќе ми речеше дојди да купиме чоколадо, за да ме залажат и мама да си отиде“, раскажува со силна тага оваа девојка.

Колку и да им простила на тие кои ја повредиле, сепак срцето тие тешки денови нема никогаш да ги заборави.

– Првиот ден надвор од домот ми беше најтежок. Не знаев што понатаму. Среќа брат ми ме прифати кај него во стан, инаку не знам како ќе ја поминев првата ноќ сама.

Многу солзи пролевала оваа девојка. И македонската јавност ја оплакуваше нејзината тешка животна приказна. Анче тогаш од народот побара каква било работа и помош во храна, хигиена и финансии за да може да ги плати сметките и за да не гладува со денови.

Кога екипата на „Срце на дланка“ замина да ја сними, не претпоставувавме дека народот ќе се обедини, брзо и сложно за да и помогне.

„Не ме интересира колку е долг патот или колку се тешки препреките на патот. Единствено што знам е дека ништо нема да ме запре додека одам по мојот животен пат“-се храбри Анче.

По споделувањето на нејзината лична приказна, Анче од добрите луѓе доби храна, средства за хигиена, раздолжени сметки. Но, светла точка во нејзиниот живот е реакцијата на директорот на едно јавно претпријатие, каде таа конечно добива работа. На овој начин, таа се стекнува со сигурен месечен приход.

За жал, иако оваа приказна, по овој развој требаше да биде убава, сепак радоста трае кратко. Во мај, откако ќе се влоши состојбата со нејзината нога, според дијагнозата на докторите, следи итно отстранување на делови од неа. Операцијата минува добро.

Анче не се предава. Сака да продолжи да оди на работа. Но, за да се случи тоа, неопходна е протеза која чини 1000 евра, па за тој трошок, Анче ќе биде благодарна ако некој и помогне.

Анче е благодарна на сè досега, на сите промени кои и се случија во животот, благодарение на добриот народ. Сега е пред нова препрека, ќе рече таа. Јас би додала нов предизвик. Зашто само извесна сума на пари ја дели од нејзиниот животен сон. Да собере пари за протеза за ногата и да продолжи да оди на работа каде ќе се дружи со колегите и пријателите. Оваа девојка е полна со живот. Неопходно е да и дадеме шанса за да живее како што треба или барем еднаш како таа сака.

Телефон: 070/976740 Сметка: 210501684866090

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Семејно насилство во Штип – Свекор ја натепал снаата

62-годишен жител на Штип вчеравечер е уапсен откако бил пријавен од неговата снаа, која вели дека физички ја нападнал, соопшти полицијата.

Од Дебар до Тирана ќе се стигнува за еден час

На 14 март ќе се отвори тунелот Муриз, дел од автопатот „Патот на Арбр“, со што патувањето од Дебар до Тирана ќе се скрати...

Мицкоски вели дека нема никакви списоци за партиски вработувања

Премиерот Христијан Мицкоски вели дека нема никакви списоци за партиски вработувања како што обвинува опозицијата, ниту на министерот за животна средина Изет Меџити му...

Почина 21-годишен осуденик од Штип откако бил донесен во болница со знаци на предозираност?!?

На 22.02.2025 во 11.31 часот во СВР Штип, од Клиничка болница Штип било пријавено дека кај нив од Казнено – поправната установа Затвор Штип...