Притисоците, губењето пациенти, секундите кога ги губите, а сте немоќни. Сето тоа тешно ни паѓа. Со полно разбирање на семејствата, но заканите и навредите што сме ги доживеале навистина не погодуваат. Нас и физички не нападнале. Ни ги сечеа гумите на автомобилите со нож, вели директорката на Инфективната клиника, д-р Милена Стевановиќ во гостувањето на „Топ тема“.
Давате се од себе, се трошите, ретко ги гледате своите семејства, а имате континуирана критика на системот. Но, тоа е наша работа и ќе ја работиме се додека стоиме на нозе, вели д-р Стевановиќ.
Во однос на кадарот, Директорката информира дека во изминатите 12 години, Клиниката добила само 3 инфектолози.
-По систематизацијата, имаме потреба од 12 специјалисти-инфектолози. Тоа е огромна бројка, додава д-р Стевановиќ
Според неа, здравствените системи во побогатите земји работеле со оние пациенти кои имале најголеми шанси за да им помогнат и да ги излекуваат.
-Оние со мали шанси за преживување воопшто не ги примаа во болница. Во однос на вакцините, таа е корисна и се однесува на минимализирање на бројката на луѓе кои се заразат со тешка клиничка слика. Ние сме генерација која е вакцинирана со вакцини кои ни од далеку не биле вака испитани и софистицирани како денешните. Сепак и со нив искоренивме многу болести, потенцира Стевановиќ.
