Во Струга е регистриран случај на инфициран од новиот сој на корона вирусот, Омикрон, потврдуваат за Алсат од Центарот за јавно здравје во Охрид. Станува збор за повозрасно лице, асимптоматски случај и во моментов е во изолација. Не бил целосно вакциниран со две дози. Инаку, ова е втор официјално потврден случај на Омикрон во Македонија, откако минатата недела тој беше откриен кај граѓанин кој допатува од Велика Британија.
„Човекот дојде да се тестира заради патување и во текот на таа рутинска контрола што мора да се направи во текот пред патување, задолжително мора да се направи ПЦР тест за лица кои не примиле две вакцини против ковид инфекцијата. Во текот на тој скрининг откриено е дека лицето е инфицирано со Омикрон. Непознат е изворот, не знае од каде ја добил инфекцијата. Бидејќи имаме многу дојдено гости во струшкиот регион од други држави, кои се наши печалбари, можеби некој од нив може да биде извор на зараза на Омикрон“, изјави Јованка Струлакова Коровешоска-епидемиолог.
Извор Алсат
