Големо признание за квалитетите на македонскиот интернационалец Анел Селимоски во австрискиот фудбал. Од денеска Селимоски е нов член на второлигашот Капфенберг. Македонскиот интернационалец потекнува од кичевското село Лисичани и целиот свој фудбалски пат го мина во Австрија. Кариерата ја започна во Колумбија, потоа беше во младинскиот тим на ФАЦ, за да продолжи со успех во 1210 Виена.
Селимоски очекува овој трансфер да му биде отскочна даска за влез во елитната австриска лига и со тоа да го сврти вниманието на македонската фудбалска јавност и селекторот Милевски за идните репрезентативни предизвици.
Од ФК Капфенберг очекуваат македонскиот интернационалец да им помогне да изборат опстанок во втората по квалитет австриска лига.
