Малку кој може да остане рамнодушен на приказната за момчето Ибрахим Махалбашиќ од селото Маргетиќи кај Нови Травник во БиХ, кое за разлика од неговите врсници има сосема поинакви желби. Овој тринаесетгодишник сака трактор, да биде земјоделец и да ја обработува земјата.
„Секој што вели дека нема пари со трактор многу лаже, а секој што вели дека на село без трактор е нула, 100 отсто во право“, вели момчето и додава дека лесно би го совладал возењето, и дека и неговите врсници во селото веќе возат.
Ибрахим живее со мајка му и сестра му, а освен 31 конветибилни марки детски додаток кој не е ни 120 куни, немаат други месечни примања. Неговиот татко починал во 2013 година и тогаш започнале тешките денови за ова семејство.
Тој вели дека порано имале крава, па полесно преживувале и се надева дека повторно ќе може да си ја дозволи. Не се плаши од работа, па во селото често го викаат да цепи дрва. Сè што заработува го носи во скромниот домашен буџет.
Излезот од ваквата тешка состојба го гледа во земјоделските работи, вели дека во тоа е иднината. Неговите искрени желби ги препознаа граѓаните ширум светот. Веќе еден месец добри луѓе од БиХ и од дијаспората донираат пари за Ибрахим да добие трактор. Сè уште нема собрано доволно, но не ја губи надежта.
Вели дека веќе ја изградил гаражата. Ако не собере доволно пари за трактор, вели дека ќе купи косилка.
„Сакам да инвестирам во куќата, земјоделството, стоката и да се занимавам со тоа“, јасно порачува Ибрахим.<iframe width=”300″ height=”183″ src=”https://www.youtube.com/embed/j4JpuzQi8PA” title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen></iframe>
