Денес му е роденден на Александар Матовски – Цако.
Цако е млад човек, со Даунов синдром. Добро воспитан, културен, хуман. До својата 31 година живот тој постигна успеси, за кои многу деца без попреченост само сонуваат. Пишува поезија, води радио-емисија, танцува, фотографира, чита книги, слуша музика, бил колумнист во списанието “Лице в лице”, има кафен појас во карате и е борец за правата на лицата со попречености.
2016 г. храбро застана на говорницата на Обединетите нации. Танцовото студио „Dancers United MK”, чиј член е, го освои првото место на Светското првенство во модерни танци.
2019 г. неговата жеба за знаење, резултираше со звањето дипломиран педагог и работно место во тимот на Град Скопје. Од 2020 г. Цако е свој човек.
2021 г., се закити и со признанието на ЕУ “Европеец на годината”, во категоријата млади активисти.
Цако растел во здрава средина. Неговото семејство е столбот, на кој се потпира. Нивната љубов, посветеност, поддршка и трпение, изградија личност за почит. Ги научија и роднините, пријателите, комшиите, дека овој млад човек не е ништо поразличен од другите, но е посебен во желбата и упорноста да му се даде можност да покаже што знае и умее. Резултатот е очигледен.
СРЕЌЕН РОДЕНДЕН, ЦАКО! Посакувам да си ги оствариш сите сништа!
Размислете и за ова вие кои потпишувавте или ќе ви падне на памет да потпишувате петиции !
Автор на текстот и фотографија: Ема Кушевска
