Среќен 88. роденден Димче
Денес во 11.00 часот свечено на Ски – центарот Нижеполе, со многу емоции и овации се одбележа еден несекојдневен и исклучителен момент – 88.роденден на Димче Стојановски, нашиот најстар активен скијач.
Нижеполе изгледаше посебно, незаборавно и во полн роденденски сјај.
За него годините се само бројка, тој е инспирација за многу луѓе и навистина е среќен што успеал да ги види задоволствата и убавините што планините со снег му го овозможиле.
Неговата денешна роденденска забава ќе разубеди секого дека е престар за да направи нешто или пак дека во поодминати години нема да ужива во адреналинот.
Ни беше огромна чест и задоволство да бидеме дел од славеничката атмосфера.
Убаво е чувството кога ќе се споделат овековечени моменти со сведокот на историјата на скијалиштето Нижеполе.
Му посакуваме секогаш да има весело расположение, добро здравје, сила да се спротивстави на тешкотиите и уште долго да го гледаме на скијачките терени.
Нека зборовите ја заменат прегратката, а нашата фотографска и видео документација да послужи да ги пренесе нашите најдобрите желби за среќен роденден.
Ски Центар НижоПоле
