росветниот инспекторат констатира дека не е испочитуван процесот на инклузивно образование во случајот со Ембла, девојче со Даунов синдром во Гостивар. Ова за ТВ21 го потврдија од Министерството за образование, од каде наведоа дека инспекторите биле на терен.
Сега останува да се види какви активности ќе преземе општина Гостивар, под чие покровителство се основните училишта.
„Во понеделник ќе имам средба со родителите на децата на училиште, повикав и претставници од комисијата за дискриминација и заедно ќе разговараме. Одлуките не треба да се избрзуваат, тие треба да се оценуваат колку што е можно поправедно и рационално. Не ни требаат социјални стигматизации, туку решенија за проблемите“, изјави Арбен Таравари, градоначалник на Гостивар.
УНИЦЕФ, исто така, реагираше за случајот „Ембла“, пишувајќи дека локалните власти треба да ја разгледаат истрагата и да донесат одлука за одговорност на оние кои не ги почитувале правата на децата.
