Делчевецот Зоран Момчилов кој со сопругата Марија и семејството долги години работи во Монфорте, Италија од страна на матичната компанија Azienda Agricola Castello Di Perno го доби признанието за најдобар работник.
Како награда за својот огромен труд, компанијата му укажа чест на Момчилов да се сретне со Папата Франциск на кого му подари сортно вино произведено токму во компанијата каде работи.
Монфорте е област во кој доминира лозарството и е регион каде најразвиено е производството на вино. Во овој дел од Италија својата егзистенција ја нашле околу 30-тина семејства од Делчевско и околните места. Монфорте меѓу другото е познато и по туризмот кој најмногу е развиен поради големиот број замоци сопственост на аристократски семејства (Маркизи). Токму сопругата на Зоран, Марија Момчилова е задолжена за целосно одржување и управување со еден таков замок, додека нејзините сопственици се надвор од Италија.
Инаку, покрај работата во винаријата Azienda Agricola Castello Di Perno, Момчилов од поодамна се има докажано и во музичките води. На делчевската јавност и е познат како еден од најпознатите вокали, а на неговиот профил и ден денес може да се забележи како на разни свечености, средби и дружења како во Македонија, така и во Италија, се уште го служи гласот, забавувајки ги нашинците но и странците со македонската народна песна.
Средбата на делчевскиот вреден работник со Папата Франциск е овековечена со неколку фотографии.
За повеќе Фотографи и линк до оргиналната статија Тука
