29.9 C
Ohrid
понеделник, јули 15, 2024
ПочетнаМакедонија„Анима Мунди“ нема да му се извини на сточарот од с. Робово...

„Анима Мунди“ нема да му се извини на сточарот од с. Робово – етнолозите велат обичајот „Изгубеното јагне“ не е непознат но за свадби

Здружението „Анима Мунди“ не размислува да му се извини на сточарот од с.Робово, Александар Мачевски. За НоваТВ Гизела Бошковска изјави дека од она што било снимено на видеото, впечатокот е дека јагнето било малтретирано.

– Не напишавме ништо што не се виде на видеото. Законот за благосостојба на животно, убаво пропишува дека не треба да му се приредува стрес на животното или тоа да биде малтретирано. Во овој случај јагнето беше малтретирано и тоа е неспорно. Немаме намера да се извиниме и поради тоа што нашиот фокус беше инспекторот на Агенцијата за храна и ветеринарство кој наместо да санкционира, славел, а не самиот овчар, ни изјави Гизела Бошковска од здружението за заштита на животните „Анима Мунди“ .

Етнолози кои ги контактира НоваТВ за обичајот, за кој сточарот Мачевски рече дека се изведувал во неговата куќа и тогаш кога е направено видеото, но и со децении наназад како дел од семејната традиција, велат ,,Изгубеното јагне“ како песна и обичај не е непознат во северните делови на државава и тоа на обреди поврзани со свадбарски обичаи.

– Не сум прочитал дека постои посебен обичај, кој се нарекува „Изгубено јагне“ кај нас во Македонија но има јасни трагови за магиска постапка, која се изведува кај нас, а спаѓа во сточарската традиција. Сточарските обичаи и магиски постапки од минатото се толку многубројни, што ниту десетина докторски дисертации не можат да ги „покријат“. Имаме многу описи на пијанки и честење на сите инволвирани во продажба на стока, после склучена зделка и тоа е запишано на многу места (никој не обрнал внимание на тоа дека се работи за ритуална или магиска постапка, туку ставиле акцент само на „честењето“ на заслужните за зделката). Инаку, во светот постои еден вид обичај, каде песната „Изгубено јагне“ е дел од ритуалот за просидба (Пирот, Срем, па и во Северните делови на Македонија), кога старосватот музичарите во дворот на куќата, ги распоредува на најразлични места (па дури и ги качува по дрва, плевни, штали…) од каде тие му го свират „Изгубеното јагне“. Се разбира, тој за тоа обилно ги плаќа музичарите. На друго место (Франција, Германија, Италија), „Изгубено јагне“ е иницијација на просидбата на девојката, кога младоженецот оди да го бара своето „Изгубено јагне“ во дворот на потенцијалната невеста, изјави за НоваТВ , кустос советник Александар Цветковски.

Како што е познато Александар Мачевски, сточарот од село Робово, кого Анима Мунди го обвини дека малтретира животно, врз основа на снимено видео кое сам го поставил на својата фејсбук страна , за денеска е повикан на распит во полиција.

Тој најави дека ќе покрене постапка против „Анима Мунди“ кое му го нарушило угледот со тоа што го претставило за насилник, а тој како што тврди само спроведувал еден традиционален обичај кога се продаваат јагнињата.
Во зависност од развојот на ситуацијата, тој најави протести во Скопје пред Владата за што имал поддршка од сточарскиот еснаф од Малешевијата но и од другите краишта на земјава.
Агенцијата за храна и ветеринарство ја осуди и се оградува од постапката на инспекторот од подрачната единица на АХВ во Берово.
Со реакција за случајот се јави министерот за земјоделство Љупчо Николовски кој рече е згрозен од монструозниот чин.
(М.Т.) Пишува Тв Нова

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Градоначалникот Пецаков: На мое големо задоволство, заедно со премиерот Христијан Мицкоски денеска официјално го означивме почетокот на изградбата на новата спортска сала во ООУ...

На мое големо задоволство, заедно со премиерот Христијан Мицкоски денеска официјално го означивме почетокот на изградбата на новата спортска сала во ООУ „Ванчо Николески“...

Мицкоски од Охрид: Започнуваат значајните проекти кои им беа ветени на граѓаните.

Денес сум во Охрид каде започнуваат значајни проекти ветени на граѓаните. - Ветивме и остваруваме - камен темелник на спортска сала во Лескоец. Спортската...

Тепачка помеѓу две семејства во Штип, полицијата приведе 11 лица

На 13.07.2024 во Штип, полициски службеници од СВР Штип ги лишил од слобода З.М.(27), М.С.(29),М.К.(27), А.К.(24), М.К.(50), М.К.(30), Ш.К.(52), Е.Д.(43), Џ.Д.(23), А.Д.(25) и Џ.Ј.(28)...

Припадничките на АРМ рамо до рамо со своите колеги, вклучени во гаснење на пожарите

Припадници на Армијата и денеска остануваат ангажирани во гаснењето на пожарите кои беснеат во Македонија. -Рамноправно со своите колеги од вториот пешадиски баталјон, армиските припаднички...