Министрите Бесими и Бектеши биле во возилото кое учествувало во сообраќајката кај Влада

Министерот за финансии Фатмир Бесими ја расчисти збрката во медиумите кој е министерот кој бил во возило кое учествувало во сообраќајката вечерва. Бесими на неговиот ФБ профил објави:
Доцна попладнево, службеното возило со кое се превезував заедно со министерот за економија Крешник Бектеши на работен состанок во Владата беше учесник во сообраќајна незгода која се случи на крстосницата пред Владата. Освен материјална штета на возилата, за среќа нема потешко повредени лица. Учесниците се здобија само со полесни повреди. На повредените им посакувам брзо оздравување.