Познатата пејачка Ивана Банфиќ, која со своето присуство ја одбележа музичката сцена на поранешните југословенски простори во 90-те живее со својот сопруг и со синчето во селото Стара Дренчина, недалеку од Сисак.
„Не е толку бајковито како што си замислуваме во главата. Ама јас сакам да чепкам низ градината. Тоа ме смирува. А тоа е и некакво ново искуство што го немав“, вели 52-годишната Ивана.
Во емисијата Здравје на квадрат раскажа дека преселбата во селото Стара Дренчина, недалеку од Сисак, била одлична одлука.
-До таа одлука живеев 20 години само на високи потпетици, во тесни фустани, а бев сопственост на медиумите, и секогаш морав да бидам супер, и морав да бидам убава – признава, додавајќи дека не било важно дали била болна или тој ден немала волја за ништо – морала да ја заврши задачата што била пред неа.
Одлучив. Јас сум убава и природно. Не ми требаат сите тие фасади за да бидам убава. И нешто се сврте во мене. А кога се сврте? Кога го родив мојот син Јан. Тогаш почнав да се прашувам: Чекај сега! Дали има нешто друго? Зошто сме дојдени овде, на оваа планета, за какви искуства? – вели Ивана.
„За живот и среќа потребно е да се има храна, здрава храна и да се остане здрав што подолго и да се живее што подолго.“, заклучува пејачката.
А рецептот на Ивана за долг живот е да се биде во мир и тишина, да се поврзуваш со природата и често да бидеш на чист воздух. Банфиќ ужива на село со сопругот Круно Ладишиќ и синот Јан. Живеат во куќа што ја наследил нејзиниот сопруг и ништо не ѝ е тешко да направи.
