Пандев го даде првиот гол во дресот на Парма.

Поранешниот капитен на фудбалската репрезентација на Македонија, Горан Пандев, го постигна првиот гол во дресот на Парма, но во победата на неговиот нов тим над Порденоне од 4:1 во Серија Б, веднаш се повреди и предвреме го напушти натпреварот.

Пандев во последниот ден од зимскиот преоден рок во Парма пристигна од Џенова и во вториот натпревар за новиот тим, го постигна првиот гол.

Пандев влезе во игра на стартот од второто полувреме и по само десет минути поминати на теренот, успеа да се запише во листата на стрелци и притоа да израмни на 1:1.

Тој одлично се во шеснаесетник на Порденоне и со одличен шут ја смести топката под гредата.
Само неколку минути подоцна Пандев учествуваше во акцијата по која Парма поведе со 2:1. Имено, по неговиот удар голманот едвај ја одбрани топката, на која натрча Ман и од непосредна близина ја смести во мрежата.

По третиот гол за Парма, Пандев заработи незгодна повреда и мораше да биде заменет по само 25 минути игра, а притоа доби овации од навивачите.
Конечниот резултат го постави Бенедшчак кој влезе во игра токму на местото на Пандев.

ОСТАВИ КОМЕНТАР

Please enter your comment!
Please enter your name here