Црна Хроника -Нападната од бившиот љубовник, тепачка за нерасчистени долгови, повреден малолетник, серија физички напади

Во текот на вчерашниот и денешниот ден во повеќе места низ државата се регистрирани серија физички напади и тепачки за чие расчистување полицијата презема мерки.

Синоќа во с.Чајле од полициски службеници од Полициско одделение Чегране лишен од слобода е В.Ј.(20) од с.Чајле, бидејќи физички нападнал 18-годишна жителка на гостиварско село, со која порано биле во љубовна врска.

Во Полициска станица Крива Паланка, пак, вчера е пријавено дека на 08.02.2022 во 00.40 часот во казино во Крива Паланка, по преходно недоразбирање, С.И. физички го нападнал В.Н..

С.В.(53) од с.Д.Манастирец синоќа во Полициска станица Македонски Брод пријавил дека околу 21.30 часот пред угостителски објект во с.Д.Манастирец бил физички нападнат од М.К. од с.Тополница, Македонски Брод.

Во угостителски објект во с.Порој, поради нерасчистени должничко- доверителски односи

Х.Р.(44) од с.Порој вчера пријавил дека околу 16.45 часот во угостителски објект бил физички нападнат од Ш.Ш.(35) од с.Порој, кој му го оштетил и мобилниот телефон.

Ноќеска околу полноќ С.К.(62) од Скопје во СВР Велес пријавил дека во дворот од неговата викенд куќа во место викано „Мелот“, во атар на с.Росоман, бил физички нападнат од две лица, кои му одзеле пари.

34-годишна жителка на Куманово синоќа пријавила дека околу 20.30 часот во близина на основно училиште во Куманово нејзиниот малолетен син бил физички нападнат од три лица, од кое едното го познавал од порано.

Малолетник од с.М.Турчане вчера во Полициска станица Гостивар пријавил дека околу 15.25 часот додека бил во основно училиште, бил повреден со остар предмет од негов другар, со кого подоцна, во присуство на родител, е извршен службен разговор во Полициска станица Гостивар.

ОСТАВИ КОМЕНТАР

Please enter your comment!
Please enter your name here